Hyvää saamelaisten kansallispäivää! 💙

Kansallispäivän kunniaksi julkaisemme karigasniemeläisen Tapio Niittyvuopion kirjoittaman saamenkielisen artikkelin. Artikkelissa Tapio kertoo, millaista on työskentely saamelaisena Salesforcen kaltaisessa yrityksessä, ja miten hän itse on tuonut saamelaisuutta esille työnsä lomassa.

Lue myös suomenkielinen teksti "Poro-pop-upeja ja avoimuutta kohdata erilaisuutta - näin saamelaisuus näkyy työyhteisössä".


Salesforce Ofelaš


Buori sámi álbmotbeaivvi Londonis. Lean bajáššaddan guhkkin davvin Ohcejogas, Gáregasnjárgga gilis ja máŋgga mohki bokte boahtán bargui Londonii. Barggan boarrásut čoavddusarkiteaktan Salesforce.org sosiála fitnodagas, vástosuorgin olles Eurohpá ja mu bargui gullá leat ofelažžan Salesforce-vulloža beales min kundariidda, guimmiide ja Salesforce bargiide.

Salesforce.com leamašan Saas-fitnodatdoaimma oppasgálli jo jagi 1999 rájes: dan ektui, ahte organisašuvnnat livčče galgan oastit divrras ja jođánit áiggis bázahalli prográmmaliseanssaid, bođii molssaeaktun diehtofierpmi bokte ávkkástallon Salesforce CRM kunddarhálddašanvuogádat. Dát ođasmahtii softwarebisnesa, go kundaris lei álo anus ođđaseamos veršuvdna, iige bajásdoallangoluin dárbbašan šat moraštit. Otná beaivve Salesforce lea máilmmi 4. stuorámus prográmmafitnodat, mii lea beakkán kunddarhálddašeami (vuovdin, bálvaleapmi, márkanastin analistihka jna.) olis ee. dan iežas Einstein-koanstafihtu dihtii.
 


Sápmelažžan bargan Salesforces lea álki, go fitnodaga kultuvra ja árvvut leat huksejuvvon nannosit searvvušlašvuođa ala. Badjel 2,6 miljovnna olbmo - kundarat, guoimmit ja Salesforce bargit, doibmet aktiivvalaččat online-servošis ja juhket čovdosiid ja rávvagiid. Siskkáldasat searvvušvuohta vuhtto earret eará aktiivvalaš diehtojuohkima, ovttas buđaldeami, mentorprográmmaid, eaktodáhtolaš barggu ja ruđaidčoaggima bokte. Salesforces guovddáš árvvut leatge ovttasbargu, rabasvuohta ja luohttámuš.

Dát árvvut vuhttojit čielgasit geavatlaš beaivválaš doaimmas ja dan lassin oktage beaivi ii leat seammalágán, ná rehálaččat dajadettiin. Salesforce lea máŋgga jagi leamašan máilmmi innovatiivvalaččamus fitnodagaid listtu njunnošis ja lea somá leat mielde dákkára doaimmas. Sámekultuvrra lean buktán oidnosii bargosajis earrát eará lágidemiin njoarosteami Sámi álbmotbeaivvi. Ii iežas kultuvrra čalmmustahttin dárbbaš álo leat nu duođalaš doaibma, go diehtu ovdána buorebut mojunjálmmiid. Salesforce lea máilmmi dásseárvvolaččamus bargosadji, gos earáláganvuohta oidnojuvvo positiivva resursan.

Salesforcen beaivválaš jođiheaddji Marc Benioff lea dadjan: “Fitnodagaid dárkkuhus ii leat hárjehit fitnodatdoaimma muhto buoridit máilmmi”. Lean barggus Marc Benioffa vuođđudan Salesforce.org sosiála fitnodagas (eŋgelasgillii Social Enterprise), man bokte doarjut servošiid máilmmiviidosaččat sihke ruhtaskeŋkemiid ja nuvttá buvttaliseanssaid bokte. Jáhkkit, ahte ođđa teknologiija ávkkástallon buori dahkamii veahkeha dahkat máilmmis buoret báikki. Salesforce haliida addit máilmmi buoremus teknologiija sihke vulloša veahkehit buorredagolašvuođa ja oahppolágádusaid sin miššovnnaideasetguin.

Salesforce addá bargiidasas vejolašvuođa bidjat iežas resurssa veahkeheapmái nu, ahte addá vejolašvuođa bargat ieš válljen eaktodáhtolašbarggus čieža beaivvi jagis ja dat lea oassi min bargoáiggis oktan bálkkáin. Fitnodaga bargiid 3,6 miljon eaktodáhtolašbargodiimmu ja 240 miljon dollára skeŋkejumit leat hui alla olahus. Ieš lean leamaš huksemin Ghanai skuvllaid sihke dihtorluohkáid ja veahkeheamen nieiddaid skuvlavázzima. Dáid unna ádjagiin sáhttit dahkat stuorra eanu, mii nuppástuhttá máilmmi buoret báikin.

Ovttas, ovttasbargguin, ovddasguvlui.
 

LUE MYÖS ► Poro-pop-upeja ja avoimuutta kohdata erilaisuutta - näin saamelaisuus näkyy työyhteisössä